- 744 -

1449. Juni 12.

Vnsere fruntliche dinste zcuuor. Ersamen, weisin, liebin herren vnd sondirliche gute frund, wir sint vorwarnt einer samenunge eynis, genant der Swarcze Rincke, der denne vnsern gnedigen hern meint czu feden vnd seinen mannen in zcu lawffin adir vff sie zu strawssin vnd sie adir andre vnsers gnedigen hern lewte zcu foen, wo her dy ym lande zcu Lobin, zcu Polkewicz adir andirswo mochte gehaben, als bethin wir euch dinstlich mit fleysse, ab ir von demselben Rincke, von seinen zcuhalde vnd vornemen icht wost adir vornomen het von sulchir samenunge adir her noch icht irfurt, ir weit thun kegin vns, als wir denne alle czeith kegen euch thun vnd thun wellen, ir wolt vns unvorwarnt noch ane botschaft nicht lossen vff vnsir gelt, das wellen wir willig vmbe euch vordinen vnd begern ewer vorschrebin antwort bey desem boten. Gegebin an des heiligen leichnams tage etc. XTIXmo.
Rotmanne der stad Loben.

Orig. Kgl. Bibl z. Berl Ms. Boruss. f. 568. No. 136.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866